karobar mein barkat
Duniya me har koi chahta hai ke uski rozi me barkat ho, aasani se uski rozana ki zaruraten puri ho, har mushkil me khuda ki madad shamil e haal ho... To is article aese hi aek khususi amal ke bare me jankari di ja rahi hai, jis se har kisi ki madad ho sake.
WAZIFA KARNE KA TARIKA
Fajr ki namaz ke baad suraj nikalne se pehle surah e yaseen shareef ki tilawat karni hai, sath hi magrib ki namaz ke baad 25 martaba " HASBUNALLAHU W NE'MAL WAKEEL" parhna hai (parhte waqt iska matlab dimag me rakhna hai. is ka matlab hai " HAMKO TO ALLAH HI KAFI HAI, AOR WO BEHTAREEN KAAM BANANE WALA HAI " ) ,
us ke sath magrib ke baad hi surah e waqia ki tilawat karni hai... agar magrib baad surah e waqia ki tilawat nahi kar sakte to raat me jab waqt mile parh lena hai, lekin behtar hai ke magrib baad hi waqt nikal kar surah e waqia ko parh liya jaye.
Kisi bhi amal ko karne ke liye shart hai ke us amal ko mukammal yaqeen ke sath kiya jaye, khas kar jab amal quran shareef ki surto se ho to phir kisi tarah ke shak ki gunjaish hi baki nahi rehti.. Isi tarah amal ka asar aap tab hi dekh payenge jab aap usko puri pabandi ke sath karenge, hadees me hai ke allah ko sab se ziyada pasand wo amal hai jis ko pabandi se kiya jaye.
Ye amal bahut hi mujarrab hai, sath me bahut aasan bhi hai, har koi kar sakta hai, agar is amal ko aap pabandi se karenge to insha allah bahot hi mukhtasar waqt me is ke asarat ko dekhenge, aor bahut jald hi aapki tamam tarah ki mushkilat door hona shuru ho jayegi, insha allah khuda ki gebi madad ko aate huve apni aankho se dekhenge
0 Comments